無綫將於周日（26日）播出重頭劇《武則天》，主角范冰冰、李治廷及周海媚（海味）今日到電視城出席記者會谷劇。據知，范冰冰昨日已經抵港但行蹤神秘，相反周海媚昨晚約七時抵港大方任影。素顏戴黑超的海味被問到可有恨返港拍劇？她說：「冇話恨唔恨嘅，喺內地都好多工作。（收視有冇壓力？）冇！收視會繼續好好，好耐冇作品喺香港上映，好開心。」提到《武》劇花千五萬人民幣為女角加特效「小背心」，海味指只睇過相未睇過片：「最緊要大家滿意效果。（美好身段被遮感可惜？）我唔係幾美好，麻麻哋啫！最重要係原汁原味呈現畫面，Cut到大頭版真係可惜，啲頭飾、衫、景都好靚，但係就乜都睇唔到。」

無綫派出港姐王卓淇（左）接周海媚機，甚為重視。

另外，陳貝兒為備戰《武》劇記者會司儀而大感緊張，她說：「上個禮拜極速煲晒《武》，一日睇十集睇到眼都凸埋，但係睇完都學到嘢，幾時要溫柔、幾時要畀意見，特別適合我哋『人妻』睇！」為擔任司儀，她更犧牲了有份投資的健康食品店開幕儀式。