電影界盛事《第34屆香港電影金像獎頒獎典禮》昨晚舉行，一眾女星悉心打扮上陣，在紅地氈環節爭妍鬥麗！全場以沒有競逐任何獎項的名模樂基兒和舒淇最為性感，幾乎搶盡有份角逐影后寶座女星的「峰」頭。

舒淇的晚裝設計獨特，大玩透視效果！

樂基兒以超Deep V長裙現身，性感之餘不失大方！

阿Sa的火紅長裙夠晒氣場，Deep V加閃耀珠寶，艷壓群芳！

湯唯穿花花晚裝，低胸之餘更小露美腿，極有魅力。

Fiona的魚尾裙令其纖腰更顯幼細，S身材令人羨慕。

蔡潔亦以低胸搶「峰」頭，靚呀！

君如的晚裝加入透視元素，高貴典雅。

名模樂基兒（Gaile）雖然未有角逐任何項目，但擔任今屆「最佳衣着獎」評委之一的她打扮搏到盡，以黑色超Deep V兼大露背晚裝亮相，性感程度爆燈，成為全場焦點！Gaile坦言是真空上陣，並笑說：「呢幾日都係咁，天氣太熱。（安全措施？）一定有。」問到上圍有否因而跌Cup？她說：「或者，但着衫最緊要都係啱自己身形。」連本地著名形象設計師郭慶彬（Ricky）都大讚其服飾亮麗奪目：「條裙好好睇，雖然係黑色，但視覺效果十分好同搶鏡，着得個人好瘦，加埋一對耳環同Clutch，呢啲正正係簡潔就是美！」而性感女神舒淇則身穿白色長袖露背長裙現身，真空上陣的她配以通窿設計的款式同樣獲Ricky盛讚：「佢一貫女神感覺，真係好靚，S形嘅裙盡顯美好身段，加埋個髮型就完全係襯到絕。」

君如偉仔奪最佳衣着

當晚衣着最漂亮人士，以吳君如、趙薇及蔡卓妍（阿Sa）略為優勝，意外獲得「最佳衣着獎」的吳君如表示感謝女兒挑選這件戰衣，Ricky認同她的衣着十分出色：「佢一向以簡潔同型格見稱，今次件衫好啱佢。」而以黑色露肩晚裝長裙亮相的趙薇除盡顯高貴之餘，Ricky說：「揀埋衫同妝容，呢條公主裙好啱佢嘅比例。」至於阿Sa則身穿鮮艷紅色拖尾長裙，配以喱士大Deep V和戴上價值二千萬珠寶，貴氣逼人！不過Ricky則送上額外的寶貴意見：「如果可以襯一啲再簡單啲嘅頸鏈就更加好。」薛凱琪的裙子簡約而不失隆重，令身形顯得修長。而男星則由梁朝偉勇奪「最佳衣着獎」，與君如同奪此獎的他們獲大會送贈伯爵18K白金袖口鈕和白金及玫瑰金鑲鑽垂飾。

湯唯入膊裙「肥咗」

湯唯與王菀之則被本地著名形象指導郭慶彬（Ricky）批評衣不稱身，他指王菀之由於裙襬太長設計又複雜，似食人花。穿湖水藍色Burberry晚裝的湯唯，由於入膊設計凸顯了其A字膊身形的缺點，Ricky說：「個花有啲複雜咗，好易顯得佢好大隻同肥。」而蔡潔身穿銀白色低V晚裝，Ricky認為略有師奶Feel。