現年21歲的樂壇新人岑日珈（Angie）身材Fit到漏油，不但長期維持在100磅左右，一雙長腿更引死人！但不講不知，一向瘦削的她原來19歲時是個重達130磅的肥妹！為了重拾美貌和健康，她下定決心，定下三大減肥方法，成功在短短兩星期減去18磅！

Angie的Fit爆身材全靠均衡飲食及適量運動。

Angie每日都會到健身房做Gym，每次30至40分鐘。

Angie（左）亦會靠跳舞燃燒脂肪，難怪Keep住完美Body。

多吃蔬菜、少吃肉是Angie的瘦身關鍵。

Angie大方透露三大減肥心得，首先是運動後不可立即進食：「寧願飲啲健康飲品，隔幾個鐘先食嘢，因為喺最攰嘅時候食嘢會吸收多好多倍！之後係過咗夜晚九點後唔好食嘢，特別係肉同澱粉質，平時要食多啲菜，肚餓可以食生果，但都唔好食咁多，因為有糖分，盡量喺6至8點食晚餐。」而第三項減肥方法是每日做30至40分鐘運動，如果想更有效，要每日做兩個鐘運動！Angie坦言不敢瘋狂進食，並努力實踐以上減肥方法，難怪現在的她又靚又索！