性感女神周秀娜日前穿上露背裝出席活動，只見她左腳用紗布包紮，她向《ontv東網電視》透露是韌帶舊患，但堅持穿上五吋高跟鞋，笑言愛靚唔愛命：「醫生話唯一方法係靜養同休息，少啲郁等佢自己康復，但我一路拍戲，嚟緊都會同欣宜拍套有關女性題材嘅香港電影。（會唔會性感？）性感唔緊要，最緊要題材，拍之前都會同導演彭秀慧傾吓偈，我乜角色都想演。（演感情坎坷做番自己？）我唔覺得自己坎坷，感情實有開心唔開心。（依家有冇追求者？）有，了解緊。（咩人？）世界各地都有，但好少時間相處，未有一個覺得適合，香港人會優先，因為有多啲相處空間，我屋企又喺香港。」而下月便29歲的她，問到會怎樣慶祝？她笑說：「冇諗，可能到時有新男朋友呢？（最後一年2字頭？）希望踏入3字頭所有嘢都好，有感情就更加好啦！」

娜姐自爆追求者來自世界各地，但會首選港男。

愛靚唔愛命的娜姐懶理腳傷照着五吋高跟鞋。