馬來西亞歌手葉俊亨（Hank）最近將愛情經歷寫成廣東歌《戀味》，惟這段單戀故事未能開花結果：「當我想追佢嘅時候，佢同咗另一個男仔一齊，結果一等就十年。」眼見初戀對象嫁作人妻，Hank大感忐忑：「其實出歌嗰陣又想佢知，又唔想佢知，因為佢結咗婚，雖然我冇開名，但佢有Like到Fan Page，我諗佢應該見到。男人就係有份執着，愈得唔到愈珍惜！」

Hank希望與江美儀合作拍戲，又想她教其做戲。

對於新歌邀得好戲之人江美儀聲演MV，Hank感激之餘，亦坦言想與對方再合作：「有機會都想同佢拍戲，佢做戲好叻，都追開佢做嘅戲，都想佢教吓我做戲！」更不諱言想與對方譜出姊弟戀！