模特兒練荻伽（Memi）及張穎琪（Angus）樣子甜美兼身材豐滿，是不少宅男心中的女神，兩人穿上內衣大談少女心事，但原來她們的擇偶條件截然不同！年僅18歲的Angus喜歡感覺壞壞的男生，偶像是余文樂：「第一次睇《頭文字D》，覺得佢揸車好型，個Look好壞孩子，我睇過佢打波，真係好靚仔！但揀男友就唔使太英俊，覺得冇安全感，反而鍾意可愛幽默型，因為我怕悶。」至於形象嫵媚的Memi則愛乖乖仔，最欣賞「Cool魔」張智霖般的顧家型男，她說：「鍾意男仔Man得嚟唔出去蒲，最緊要對我好！（要似「Cool魔」咁靚仔？）唔使，合眼緣就OK！」

身材豐滿的Angus和Memi對另一半各有不同要求。

余文樂在《頭文字D》中的壞男人形象深深吸引Angus。