「香港鼓王」恭碩良一直默默耕耘，從沒離開樂壇，但加盟新公司後決意返回幕前，向好音樂進發。談到女友林憶蓮，沒有打算結婚的他說：「日日都係情人節！」

以歌手身份出道的Jun決定再出新碟，向好音樂進發！

與憶蓮拍拖多年的Jun認為相處開心最重要，不需以一紙婚書證明關係。

鼓手恭碩良（Jun）是香港天王巨星的御用鼓手，大部分時間也退居幕後及參與音樂監製，但很多人都忘記了他是歌手出身，他的經典歌曲《你着幾號鞋》更教歌迷回味。Jun表示很興奮可以與金牌經理人黃柏高（Paco）合作，並推出新唱片：「知道Paco之前好高調話等咗我15年，其實等咗唱片公司好耐！」

第一時間出碟

Jun雖然長時間做幕後工作，但他坦言不曾離開樂壇，近日更決意返回幕前，Jun感恩說：「有好多朋友同支持者都問我幾時出歌，話等咗好耐，好開心有咁多人期待我嘅音樂。」提到加盟太陽娛樂旗下，Jun表示第一件事便是出新唱片，過去3年他除了幫助不同歌手做有質素的唱片，同時亦創作了許多音樂，並從中挑選了11首歌曲收錄在新唱片《Past Future Present Tense》，希望能夠以音樂記錄所有經歷。

拍拖如交朋友

Jun感激公司放手讓他做音樂，為好音樂進發：「好嘅音樂係呃唔到人！我已經37、38歲，都去到某個位，有好多嘢都睇化咗。」既然自覺年紀有番咁上下，問到可有想過與女友林憶蓮結婚？他說：「大家唔使有個Timetable，呢個年代，加上自己父母離婚，所以對結婚冇咩感覺，結婚好似係一張紙、一張Contract。兩個人一齊開心，日日都係情人節！」

Jun和憶蓮在年齡及事業上也有一定差別，談到相處之道，Jun笑言拍拖等同交朋友：「朋友唔係個個都差唔多年紀，啱傾就啱傾！人生好快就10年、20年，所以每日都Make Sure係做自己開心嘅嘢！」更揚言如果要得到真正的快樂，一定不會做浪費時間的事！