即將公演的舞台劇《謀殺現場》分別請來兩組不同班底，A Cast由全明星班底包括張繼聰、白只、劇場達人伍潔茵等演出，而B Cast則由後起之秀吳銳民、劉曉樺等攜手，問到會否擔心兩組被比較，有份參與兩組演出的劉曉樺說：「唔會擔心咁多，因為兩組人表演方式唔同，所以冇得比較。不過佢哋劇場經驗豐富，所以多啲現場爆肚，而B Cast就跟足劇本，比較貼近作品嘅原意。」在此劇目中，他們飾演過氣明星，吳銳民神秘地表示，他的角色參考了圈中某位大明星：「我今次扮演嘅角色本身係一位好有才華，而且紅極一時嘅歌手，可惜最後因為跟唔上時代嘅步伐而遭淘汰，但佢依然諗住可以番生。」

劉曉樺（左起）、吳銳民、劉俊謙和陳淑儀在舞台劇合作。