o靚模張可義（Emily）和趙詠瑤（Kimi）情同姊妹，平日女明星最忌「撞衫」，但她們樂於「撞衫」，異口同聲笑說：「我哋心有靈犀！好夾！」

她們之所以成為姊妹，全因Emily當年出手相助落難的Kimi，Emily說：「記得年幾前，我同Kimi喺內地參加一個節目，當時Kimi喺水上長滑梯衝落嚟，衝力大到Bikini甩咗一半！但冇人埋去幫佢整番好，我咪即刻去幫佢囉！」Kimi補充說：「嗰時我同佢仲要係唔同隊！大家又唔熟，佢都嚟幫我，好感動！」她們雖然不同公司，但依然會經常約食飯和行街！而Kimi已開始拍微電影，好姊妹Emily亦說會百分百支持！