譚耀文多年來主力在內地影圈發展,為顧及家庭,近年他將重心轉移回港,最近更憑電影《我們停戰吧!》揚威紐約及聖地牙哥的電影節,分別勇奪「最佳男主角」及「最佳男配角」!

「自閉老師」阿譚戀上「學生」湯怡,劇情一定充滿火花!

林文龍(左起)、湯怡、阿譚及林熹瞳演出的《我》片在海外備受好評。

阿譚和湯怡在片中譜出「師生戀曲」。

最近忙於在內地拍《葉問3》的譚耀文,憑電影《我們停戰吧!》分別於美國紐約電影節獲「最佳男主角」和聖地牙哥獨立電影節獲「最佳男配角」兩獎,對從影多年的阿譚而言,可謂極之開心:「一次過攞兩個獎,好耐冇試過,能夠喺海外得到肯定,好光榮!」

受尊重唔加價

他認為返港接戲算是獲得成果:「呢兩年返嚟就接咗五、六部戲,想多啲時間留港陪老婆仔女,今次仲有獎攞都好安慰!(攞獎會加價?)唔會喇!其實今次接《我》片雖然唔係商業片,但片酬都係巿場價,我覺得好受尊重,希望嚟緊以呢種態度接戲。」而同片演員林文龍和林熹瞳亦於聖地牙哥獨立電影節中分別奪得「最佳男主角」和「最佳女主角」,提到此片不獲本地戲院看重,遲遲未有映期,他認為可能電影不夠商業,但相信一定會有老闆欣賞。

與湯怡譜「師生戀」

阿譚在《我》片中飾演自閉老師,與林熹瞳和湯怡譜「師生戀」,話題惹爭議,但阿譚稱其實全片以文藝角度出發,沒有色情成分:「角色好有發揮,我接劇本時知道要演一名自閉兼麻甩佬嘅老師,感覺有啲騎呢,仲要暗戀女學生,我從未演過呢類角色,覺得好好玩,估唔到仲攞埋獎,真係要請創作故事嘅林熹瞳食飯!(獎勵自己?)會換部豪華七人車送畀自己,等老婆仔女坐得舒服啲!(再生?)咁我就要再努力啲喇!」