有線主播李潤庭(Eric)早前偕太太Crystal暢遊英法,他倆於英國欣賞歌劇及魔術,眼界大開。精通法語的Eric第一次踏足法國:「以前只係路過巴黎機場,今次太太話帶我去了解吓法國風情,估唔到鬧交收場!」原來他們到訪羅浮宮時狂影相,他卻嫌棄太太的攝影技術:「佢影到我頭又影唔到對腳,有時仲鬆郁朦,真係激死我!點知話佢兩句就發脾氣走咗,我惟有傳短訊氹番佢囉!」

精通法語的李潤庭與太太Crystal於羅浮宮Selfie。

雖然歐元下跌,但Eric僅購入小量衣飾,將「彈藥」投放於紅酒上:「足足買咗7、8支,我哋兩個人有5袋Hand Carry,都算幾誇張。」返港後,他即客串劉心悠主演的電影《我老婆係明星》,過足戲癮!