影星徐偉棟（Edward）及妹妹徐穎堃（Erica）早前拍攝有線節目《帶阿媽去旅行》，難得與母親雪梨同到新加坡，Edward指今次是個好機會，讓他們重新認識：「以前住喺加拿大，媽咪每年只返嚟一段短時間，感覺有啲陌生，今次先發現原來媽咪係烈女，好大膽！我哋去玩過山車，阿妹畏高，我又唔想玩命，反而媽咪最興奮！」提及最感動時刻時，Erica說：「旅程最後我哋睇激光騷，現場播我細個聽嘅音樂，又三個人一齊，感覺好似完整番，爭啲喊出嚟！」Edward說：「我都好感動，但我哋大嗰啦！唔想畀媽咪見到我哋喊！反而知道媽咪有喊！」

徐偉棟喜與雪梨及徐穎堃同遊新加坡。