朱千雪最近在元朗為新劇拍外景，期間竟有市民向身穿EU戲服的她求助，千雪說：「惟有叫佢打999報警。」至於飾演土豪村長的王浩信則自爆被醉酒佬「問候」！

「霸氣村長」王浩信及「俏警花」朱千雪造型維肖維妙，幾可亂真！

劉佩玥在劇中飾演模，賺錢買花戴。

王浩信、朱千雪、劉佩玥及苟芸慧等無綫劇集《EU超時任務》演員，昨日進行開廠拜神儀式。在劇中飾演EU警長的朱千雪透露，最近在元朗拍攝時被市民誤以為是真警察：「有個飲醉酒嘅女仔喺酒吧走出嚟向我哋求助，話佢老公飲醉酒，我哋惟有叫佢打999。」除了市民外，連真警察亦難分真假，千雪續說：「有架真嘅EU車經過，見到我哋架車同成班演員坐喺度，走過嚟問我哋喺度做乜。」

王浩信霸氣遊街

在劇中飾演土豪村長的王浩信造型充滿霸氣，外出時連途人亦退避三舍，可惜不敵醉酒佬，他笑說：「以前出街都有啲街坊會望吓，佢哋可能覺得我呢身造型好有霸氣，所以唔敢望我！不過，有晚喺街拍攝遇到醉酒佬，仲畀佢問候。」問到在元朗圍村拍攝，可有遇上麻煩事？他說：「事前已經同圍村溝通咗，所以好順利。」

劉佩玥打風流工

至於劉佩玥飾演模，問到可需作性感打扮？她說：「有啲衫會性感少少，有夏天感覺，但角色唔使咁出位，因為我喺劇中有個有錢哥哥林偉，做模只係賺錢買花戴。」問到可有將劇中造型讓緋聞男友何猷亨過目？她說：「冇呀！」