許志安昨日為月底舉行的《Come On許志安演唱會2015》進行綵排，他透露將會有十多分鐘的跳舞環節，相當考驗體力：「有時臨瞓都諗緊啲舞步，睇電視嗰陣啲手又會郁吓郁吓。」問到屆時可有辣身舞？安仔「詐型」說：「係囉！排到依家都冇！不過可能有Part會喺舞台換衫，放個衫架喺台。（換埋褲？）咁我要着多幾條喺入面。」

安仔密鑼緊鼓為演唱會練舞，望以最佳狀態見歌迷！

在Dancer中間擺甫士的安仔，大呻冇得跳辣身舞！

每粒朱古力值一舊水

安仔以練成「人魚線」為目標，現階段已成功操出六舊半腹肌，他笑說：「有朋友話畀六舊幾水買飛，我要畀番六舊腹肌佢哋睇。」又透露正在內地趕工打造30多呎高的「巨型安仔」舞台擺設，惟因「體形」太大，未必能夠帶它到各地巡唱。