資深導演麥兆輝以專業角度評選今屆金像獎影帝，他認為乃本地代表劉青雲與內地高手黃渤之爭，扮演破格土豪的青雲更被睇高一線！青雲對導演的支持大表感謝，但對奪獎則以平常心面對。

於《竊3》扮演粗魯土豪的劉青雲，有望獲得影帝殊榮！

麥兆輝指劉青雲憑系列電影三度入圍影帝，寄望他今次「中獎」。

《竊3》導演麥兆輝認為《魔警》並非吳彥祖最佳作品。

演技出色的黃渤是劉青雲稱帝的一大阻力。

今年金像獎影帝由香港影帝劉青雲、內地影帝黃渤、台灣型男彭于晏及「ABC」吳彥祖角逐，齊集五湖四海猛人！本報請來資深導演麥兆輝點評幾位影帝候選人，他認為是青雲及黃渤之爭，但較睇好青雲於電影《竊聽風雲3》中扮演粗魯土豪的精湛演出，作為《竊3》導演的他笑言未有偏心，而是以事論事！

吳彥祖廣東話退步

入行三十年的青雲雖然演技出色，但僅於2007年憑《我要成名》一嘗影帝滋味，實力被低估。今年他憑兩片入圍，勝算甚高！麥兆輝說：「青雲喺三集電影嘅演出都有變化，由第一次做差人，到今次演土豪，層次愈來愈難，上兩集佢都提名影帝，但冇攞到，今次有就更圓滿！」他又指青雲接拍《竊3》時一度感到困惑：「青雲拍《竊3》時對角色存疑，佢話角色明明係老粗，姦咗周迅都得，點解要精神戀愛？但我哋覺得營造上係有需要，青雲起初唔認同，但都盡量演，仲做得好好，值得嘉許！佢雖然仲有個提名，但另一套戲啱啱上畫，未必咁多人睇咗，唔擔心分薄票源！」除導演外，不少同行都支持青雲，青雲說：「多謝支持！攞獎與否，平常心！」

而曾奪金馬獎男配角的吳彥祖，麥兆輝認為今次並非他的最好演繹，並寄語他注意語言運用：「佢係少數華人演員有得選擇，佢母語係英文同普通話，可以去荷里活，但如果留港，一定要苦練廣東話，最近覺得佢廣東話退步咗，呢樣對演戲打咗折扣！」至於33歲的上位新星彭于晏首度提名影帝，麥兆輝讚其外形討好，但仍要磨練：「聽番嚟評語好正面，佢勤力又打得，但仲要努力，小朋友再等吓啦！」

黃渤或成最大阻力

麥兆輝認為曾奪台灣金馬獎影帝的內地演員黃渤演技甚佳，是青雲稱帝的最大阻力：「內地演員對某啲角色有既定模式去演，但今次黃渤好自然，難演但演得好！」他續指金像獎有兩輪評選，由大批業內人士投票，制度公平，但評委有種同心力傾向本地男演員，黃渤難免較「蝕底」。

此外，麥兆輝與莊文強再憑電影《竊聽風雲3》提名最佳電影、導演及編劇，對於三集均獲得多個主要提名，他深感榮幸！