王菀之（Ivana）憑電影《Delete愛人》、《分手100次》及《金雞SSS》提名金像獎「最佳新演員」，成為今屆大熱，更獲拍檔吳君如、王祖藍和周秀娜一致睇好。當然，三人均希望Ivana可以憑各自合作的電影獲獎，君如說：「冇得輸呀！我瞓身撐佢！」而周秀娜大讚Ivana好演技：「戲中佢做一個敢愛敢恨嘅女子，演出好絲絲入扣、好細微，同佢一齊拍戲係好舒服嘅經驗，希望可以再合作。」至於與Ivana合作《Delete》片的祖藍，坦言擔心《金》片會分薄票數，但仍大讚她是有天分的演員：「喺《Delete》片中，除咗佢獨特嘅喜劇節奏感外，佢做感情戲都來得好真摯，所以呢套戲佢係有笑有淚，演繹得好好，期望佢有機會攞獎。」

君如與Ivana合演《金雞SSS》，有不少對手戲。

周秀娜（左）大讚Ivana於《分》片中演得十分出色。