王菀之去年主演三部電影，演技備受外界肯定，亦令她在「第三十四屆香港電影金像獎」中有份角逐三獎兼獲五個提名，成績斐然！她坦言作為影壇新人，獲得認同當然高興，雖然未知會否得獎，但最重要是向提攜過她的伯樂逐一致謝。

王菀之於金像獎「最佳新演員」共獲三項提名，呼聲甚高！

王菀之笑言想擸走所有獎項，又稱即使失落獎項亦會照講感言。

王菀之感激王祖藍找她演出劇集，令更多人認識到她演喜劇的一面。

王菀之（右二）於《金雞SSS》中的演出備受讚賞。

「最佳新演員」入圍名單

王菀之去年共演出三部作品，包括《金雞SSS》、《Delete愛人》和《分手100次》，令她在「第三十四屆香港電影金像獎」中有份角逐三個獎項，包括「最佳女配角」（《金雞SSS》）、「最佳新演員」和「最佳原創電影歌曲」（《分手100次》主題曲《不再說分手》），其中「最佳新演員」更以大熱姿態入圍三個提名，難怪被一致看好！但王菀之謙稱沒看完所有入圍作品，故難以評估勝算。她又坦言獲提名已為其演藝生涯打了一支強心針：「今年係一個好意外嘅年份，好似啲星象連埋一齊，今年終於嚟到喇！電影圈我係新人，今年又係我入行十周年，好有意義。」

感激祖藍「敲門」

王菀之坦言出道至今得到不少貴人相助，因此有必要逐一感謝：「舞台劇界伯樂係我演出嗰個劇團、黃智龍導演，係佢哋開啟咗我舞台劇個興趣，令我從中學識咩係演戲，令我愛上演出。第二個伯樂係王祖藍嘅出現，當日係佢搵我演出劇集《老表，你好嘢！》，令好多人認識到我演喜劇一面。佢可以話係天使，喺一個時機上突然敲我道門。佢邀請我去演，對我有信心同信任，反而係佢哋唔想我錯過咗機會。仲有吳君如、導演鄒凱光、鄭丹瑞同葉念琛，佢哋同樣都有天使嘅特質，既善良又有耐性，我最希望佢哋覺得用我係值得嘅。」

落敗照講感言

問到最希望獲得哪個獎時，她笑言最希望全歸自己所有：「梗係希望全部拎晒啦！如果有得揀我梗係咁講，我就無謂去謙虛喇！講吓之嘛！講完之後冇之嘛，冇嘢o架！如果落敗都冇辦法，人哋都唔畀。但我都會透過媒體講我嘅感謝詞，總之希望有機會講出我感受，多謝幫過我嘅每一個人。」