許志安告別蘿蔔糕身形

許志安即將再登紅館開演唱會，為追求至Fit體形，安仔特別進行地獄式訓練，漸見「爆肌」成果的他大晒鋼條身形，更以7位數字成為健身院代言人！赤膊露點上陣的安仔偕公司師妹蔡潔（Jacky）拍攝廣告硬照，操得一舊舊結實腹肌的他笑說：「新年時，我係咁食咗好多蘿蔔糕，我覺得自己嘅身形同蘿蔔糕一樣，白白哋、腍腍哋，係時候鍛煉番好嘅身段！咁啱畀廣告商睇中，令我更下定決心鍛煉體魄，同步強化唔同部位。操咗一個月同營養餐單，啲肌肉線條就凸現，依家都幾滿意自己呢個Body！」赤膊瞓身舉鐵的他更變「激凸」安，而穿上白色吊帶Top的蔡潔則拋胸露事業線，性感養眼。