因改播經典劇《大時代》，令緊接《衝上雲霄》重播的《衝II》被迫讓路，有份演《衝II》的馬國明接受電話訪問時表示冇所謂：「最緊要係好劇，我都好鍾意《大時代》，希望到時有時間追，唔一定要連續播嘅，咪隔一陣先再播《衝II》。」而他昨日與黃翠如及岑麗香等為新劇《為食神探》拜神，提到與多位女神合作，他卻呻不及阮兆祥多女：「個個都鍾意佢，連香香初頭都鍾意祥仔，我好辛苦先追到佢！希望同香香有咀戲啦！已經同監製要求咗。」但不擔心與香香傳緋聞。至於消瘦不少的黃翠如笑言已不停食消夜增肥：「可能我啲脂肪去咗Edwin（男友蕭正楠）度！」

馬國明（左）笑言被阮兆祥搶晒艷福！

梁烈唯專誠返電視城派帖。

黃翠如（右）瘦蜢蜢，相比香香細足一個碼！

另外，去年已註冊結婚的梁烈唯落實於下月29日在洲際酒店補擺喜酒，特別返公司派帖，囍帖似足登機證，他說：「自己好鍾意UFO，概念好似邀請大家登上太空船去參加一個不一樣嘅旅程。」