久未露面的歌手蔡楓華昨晚現身節目錄影力撐亞視，葉家寶指今次節目「拍膊頭」邀得不少嘉賓撐場，更表示將於明日舉行的員工大會中向員工交代亞視的營運狀況。

張家瑩以低胸裙上陣，爭回不少分數。

蔡楓華獻唱經典名曲，《絕對空虛》夠晒啱Feel！

葉家寶

梁天領獎時豪氣脫下帽子。

黎小田（左起）、魏秋樺、李影和李龍基打扮得體撐場。

歌手蔡楓華、亞視執行董事葉家寶、亞洲會會長魏秋樺和藝人張家瑩等，昨晚現身亞視總台為節目《ATV歲月如歌大賞》進行錄影。蔡楓華以一身型Look現身，他表示今次專程義助亞視，問到有否收取車馬費？他說：「有呀，但嚟得攞獎就冇諗過錢。（嚟緊有咩演出？）會去拉斯維加斯做演唱會，內地會有三十幾場，但香港最多一兩場，等我消息！」

亞洲會贊助製作費

而製作人黎文卓則專程到場向得獎的梁天致敬，對於亞視面臨困境，他建議說：「喺新光排期做騷都要半年，不如喺亞視搞個《亞洲劇場》，其實亞視冇咗個牌係冇咗大氣電波，都可以轉型做網絡電視。」葉家寶則表示早於去年重遇蔡楓華時已打算製作節目，問到亞視投放多少製作費？他說：「幾萬蚊，係必要嘅開支，今次節目盡慳，景都係舊料搭，係大家拍膊頭搞。」他指節目由亞洲會冠名贊助，會長魏秋樺透露會方投入數十萬元製作費，以補貼亞視的收入。

張家瑩晒事業線

葉家寶更指將於明日舉行員工大會，聽取員工訴求及交代日後發展。擔任司儀的張家瑩大晒事業線搶鏡，她表示將會出席大會，了解公司前景。