前花旦陳慧珊近年每次復出拍劇都被傳黑面及脾氣難頂，昨日她為新劇開工，甫見記者即「黑面」，嬲爆爆的她更一度將劇本掟落地，勞煩助導執起！

Flora復出拍劇屢被指擺款及脾氣欠佳。

助導執起Flora掟落地的劇本並想交還對方。

曾奪視后的陳慧珊（Flora）近年偶有復出拍劇，但經常被指脾氣欠佳，未知是否因其丈夫鍾家鴻（Mike）的公司於2012年破產，Flora不滿被記者連番追訪而經常對記者「黑面」。

9月開學

最近Flora拍攝無綫新劇《波士早晨》再被爆黑面擺款，早前有工作人員爆料，指曾有記者探班，Flora見狀即木無表情，並拒絕拍照及訪問。昨日她與洪永城及趙希洛等到黃竹坑拍外景，發現記者探班即「黑面神」上身，以讀劇本為由行開，並轉身背對記者。約20分鐘後，導演嗌埋位，Flora嚴肅地跟記者說：「做咗正經嘢先。」10分鐘後，她在公關安排下讓記者拍照，其後走埋一角刨劇本，沒有接受訪問。心情麻麻的Flora更一度將手上的劇本大力掟在地上，要勞煩身旁的助導執起。數分鐘後，Flora才勉強接受訪問。

問到劇中角色公私分明，現實生活上是否也一樣？她Cool爆地說：「我通常唔太講自己真人嘅嘢，感覺到係咩就係咩。」Flora又透露日前收到香港大學通知，指已收了她讀博士，9月開學，很高興能達成願望，問到畢業後會否再拍劇？她說：「唔需要諗咁長遠，唔會離開呢個圈子，始終我好鍾意做戲。」她表示此劇是無綫合約最後一部劇，因此是暫別作，但並非告別作。

黃智賢稱溝通OK

在《波》劇飾演Flora前夫的黃智賢表示昨午不在場，故不知詳情。問到Flora是否太累而有脾氣？他說：「佢戲份重工時又長，攰係可以理解！但佢對我又幾好喎！溝通冇問題，佢係個有要求嘅人，執戲執得好仔細，都係想套戲好啫！呢套劇係喜劇，拍得好開心。」