名模蔣怡與珠寶設計師老公翁狄森拍拖13年，兩年前在南非舉行婚禮，育有一女翁容，快將兩歲，美好家庭在前，但去年蔣怡突然放下香港一切，赴倫敦攻讀「巴黎藍帶廚藝學院倫敦分校」課程，為圓學廚夢，老公的無限支持是她最大的後盾。眨眼課程還有兩個月便告完成，六月畢業的她達成夢想，亦準備報答老公：「畢業後會同翁生去歐洲旅行，淨係我哋兩個，準備去造人。（想追仔？）想畀個女多個伴，多啲人錫佢，有個女自然想有個仔，咁樣完美啲，如果又係生女，包括埋我在內，屋企有三個女人，我諗翁生會頂唔順，哈哈！」回想當年佗着女兒時曾患妊娠糖尿，故今次再度造人可謂搵命博，但她樂觀地說：「呢排學廚整好多甜品，整完唔止試食，係忍唔住全部食晒！因為太鍾意食甜品，冇再特別驗血糖，應該冇事啩！」

蔣怡

蔣怡學師有成，整咩甜點都冇難度！