張敬軒昨日與薛凱琪（Fiona）出席饑饉活動，久未露面的軒仔表示之前感染鏈球菌病足個多月，喉嚨生滿痱滋，醫生說他的病菌已變種，要服兩種抗生素才有效：「媽媽專登嚟香港煲啲蜈蚣湯、蟬蛻、屎蟲乾畀我飲。（照飲？）飲啲倒啲。」並承認母親有煲鞭給他補身。而早前被網民炮轟將龜放生到海中的Fiona說：「我係去新娘潭，放心係淡水嚟。」而許志安及洪卓立前晚出席同一活動，安仔被重提當年饑饉偷食瘀事，他說：「唔好講喇！」洪卓立直認與女友湯怡婚前很安全，故不擔心搞出人命。

軒仔赤腳上台同Fiona又唱又跳，睇嚟身體好番晒！

林欣彤在活動閉幕禮上獻唱。

另外，軒仔透露有慰問鄭希怡：「佢冇事，大家唔需要擔心。」鄭希怡昨晚在Instagram留言稱B女仍在醫院，並上載一張蔡卓妍送給B女的頸鏈照。另外，身為活動之星的周柏豪及林欣彤昨晚出席閉幕禮，在台上大唱大跳，齊聲表示沒有偷食。