對於「武則天」范冰冰將帶同周海媚及李治廷亮相節目《今晚睇李》第二季的首集，身為節目監製兼主持的李思捷透露第二季暫定二十集，坦言現時忙剪片，希望將節目內容跟到最貼， 故還未有時間度橋，他說：「當然唔會齋訪問咁簡單，會加啲娛樂性，我會貪心啲，做吓其他嘢！不過內容方面會事前交畀范小姐睇吓，佢哋唔玩得嘅嘢，我哋唔會勉強，最緊要嘉賓開心。」

問到會否先看《武則天》做定功課，思捷說：「會，會問定阿媽，我阿媽一早睇晒，佢好鍾意套劇。（怕唔怕畀冰冰電眼電親？）怕乜呀！放馬過嚟！」