麥美恩於無綫節目《學是學非》中大派笑彈，為觀眾帶來歡樂。而其面上更有一對標誌性的可愛酒窩，令她於網上備受注意，成為網民新寵！只見美恩一時以手指「篤實」酒窩露出萌爆笑容，一時更托腮晒金魚嘴，認真Cute爆！

麥美恩托腮嘟嘴，好得意呀！

麥美恩嘟嘴兼捲脷，勁呀！

問到有何「耍家」扮鬼臉本領？她搞笑自爆最愛晒「嘟嘴神功」：「好多人以為我好鍾意騷酒窩，但我反而最鍾意玩個嘴，嘟到長過魚嘴又得，嘟到變孖腸又得！最緊要嘟完個嘴好紅，唔使搽唇膏都得！」她又自認性格調皮，最愛於大合照中扮鬼臉：「我扮完引到人笑就有滿足感，影大合照時會特別趣怪同唔合群，例如唔望鏡頭整到張相有問題，博人鬧我！」