亞視藝人蔡國威、秦啟維及助理副總裁冼偉智昨日為梁安琪節目《搖擺天使》進行最後錄影，蔡國威否認與萬綺雯食飯是搭路過檔無綫，他說：「我哋食飯傾偈，冇傾過檔，我到呢刻都冇收過任何電視台搵我。（唔自薦？）我唔知應該搵邊個，但我好歡迎大家搵我。（法庭指亞視如明知營運困難，不如早點結束？）員工都好想快啲知道答案，公司繼續做落去定點？唔好再咁多方案，應該一就一，二就二！」

盛品儒寄語離巢員工繼續追夢。

另外，亞視前執行董事盛品儒前晚到中環出席派對，他說：「要結束都有好多問題要解決，例如員工嘅人工問題，唔係法官諗得咁簡單。我能力有限，但希望離開咗嘅員工，喺其他平台繼續夢想，留守嘅，等多幾日，問題自會解決。（幾日就解決到？）得o架啦！拖唔到好耐。」