近年圈中吹起「運動瘋」，歌手藝人平日都會盡量抽時間上健身室運動，惟室內運動已漸漸無法滿足他們，於是便會呼朋喚友一齊到室外運動，當中路跑更是其中一個最熱門的選擇！

提到東京的「夢幻」風景時，AGA即露出懷念的神情。

熱愛運動的AGA強烈推介路跑畀大家，實行邊睇風景邊Keep Fit！

歌手江海迦（AGA）最近便愛上了路跑的感覺！回想起首次在日本路跑的經驗，AGA形容為十分「夢幻」：「去到東京嘅時候已經係夜晚，而且外面溫度淨係得3度，但我哋第一時間都出咗去東京街頭跑步。沿途經過好多繁華地區，例如六本木、新宿等，真係靚到好唔真實！」AGA指跑步好處多多，而路跑更具挑戰性，強烈推介大家去嘗試：「其實運動本身可以減肥，調節生理時鐘之外仲會產生氨多酚，令人放鬆心情同開心啲！而路跑更可以呼吸新鮮空氣同欣賞沿途風景，人嘅心境會變得更加開闊，身心靈會變得更加健康！」