岑麗香昨日出席網上遊戲活動，性格開朗的她坦言玩網上遊戲讓她感覺輕鬆，有時拍劇因太投入角色而難以抽離，最好有一機在手消除煩惱。

香香拿着毛公仔賣萌合照，童心未泯！

香香以青春打扮出席活動，並賣口乖大讚大會的遊戲好玩。

岑麗香（香香）昨日以背心短裙的青春逼人打扮，到又一城出席《Tsum Tsum Festival反轉又一城》開幕典禮。她即席試玩兩個大會遊戲，賣口乖大讚好玩之餘，又表示勾起不少童年回憶：「演員要投入角色，打機可以幫助自己抽離角色，特別係拍完啲喊戲同煽情嘅戲，可以令自己唔諗咁多，個人放輕鬆一下。除咗睇劇本嗰陣，一得閒都會即刻玩吓。（如男仔陪你玩會唔會加分？）其實呢個遊戲男同女都玩得，因為要Connect嘛！同埋迪士尼遊戲好令人有番童真感覺。」她自言很自制，不會沉迷打機，視之為娛樂，從未試過有男孩子因打機而冷落她。

專注翻譯劇本

活動期間，香香不時拿着毛公仔合照，大晒萌爆甫士，她坦言沒有儲公仔習慣，但有儲咕o臣，因感覺儲咕o臣更實用，可謂實用主義者：「雖然都要用好多位擺，但勝在實用，屋企有4、5個。（粉絲有冇送畀你？）間唔中都有，太多就會好似換衫咁換吓季。（會唔會攬住嚟瞓？）我會擺啲咕o臣喺廳，瞓覺只需一個枕頭就得。（會出自己嘅人形咕o臣？）唔使啦！我專注喺翻譯劇本先，有時間先再諗。」

香香又為近來多Job而感高興，對於有指無綫將給予徐子珊視后寶座，而令鍾嘉欣靠邊站？香香說：「其實好多人都有出劇，演員唔會知咁多Details，只要觀眾欣賞到自己鍾意嘅演員就好。（你壓力大咗？）公司會安排角色畀適合同啱嘅人，咁當然最理想嘅狀態係大家一齊成功。」