李逸朗是非趕客

歌手李逸朗（Don）昨日帶病接受電台訪問，他透露早前舉行音樂會令身體不勝負荷：「公司比較細，好多嘢一腳踢，所以好攰，同埋呢排又拍戲，每日眼光光到凌晨五點先瞓。」問到是否感到壓力？他直認不諱：「唔多唔少情緒有啲影響。」又自爆近日是非纏身致工作大減：「好多公關話我近排啲是非太古怪，令客戶停止我出席活動嘅機會。（損失？）本來我搵錢都唔多，但對公司利益會好煩。（損失數字？）有啲代言同廣告，已經好耐冇拍廣告。」