鄭少秋、汪明荃和歌手林志美昨晚在將軍澳電視城錄影無綫節目《Sunday靚聲王》。談到近日股市大升，問秋官會否驚「丁蟹效應」重現？他笑說：「唔會啦！大家拭目以待！」預言下周股市仍會上升的他，卻慨嘆與大升的港交所失諸交臂：「老婆就嫌港交所息口低，但依家升到咁，乜都抵番晒啦！」秋官又坦言投資主要由老婆話事，自己絕不投機，只會買滙豐銀行等穩陣股：「執番啲買餸錢咁囉！」談到主演的經典劇集《大時代》的截圖在網上瘋傳，秋官笑說：「咁咪好，久唔久又有人記得我。」

汪阿姐（右）和秋官昨晚為林志美慶祝生日。

至於最近完成演唱會的林志美透露正計劃搞Part 2，又稱錄影後會補祝前日生日。