吳綺莉上月涉虐兒被捕，15歲女兒「小龍女」吳卓林出院後跟契媽住，心情似乎慢慢平復，前日卓林上載相片，昨日更首度現身，被有線娛樂台拍到返回與母親同住的大埔寓所。以外套帽笠頭的卓林，一支箭衝返寓所，全程耷頭避鏡，並用鎖匙開門入屋，同行有一名女士，問到是否探媽咪，卓林未有回應。其實卓林前晚已返家住，收拾心情開學，據知吳綺莉未被起訴。

吳卓林

其後吳綺莉被拍到返家，她表示不清楚女兒是否回家長住：「唔知，我朋友同佢返嚟攞嘢。（卓林返嚟攞嘢？）係呀！係呀！（母女關係OK？）係呀！唔該晒！」隨即入屋與女兒見面。昨晚八時許，記者到吳綺莉寓所採訪，她透過門罅傾了數句，問到卓林是否已回家？她說：「有朋友嚟咗，唔方便講，呢度私人地方，你哋走啦！我唔會答喇！」其後匆匆關門。