無綫小花龔嘉欣昨日接受電台訪問，對於好姊妹姚子羚與緋聞男友鄭子邦傳快將結婚？嘉欣說：「如果係，係好事。」因她與子羚「同居」，即被取笑要搬家做獨居少女，嘉欣笑說：「如果佢真係結婚，唔緊要，我捱貴租都望佢哋結婚。」
龔嘉欣代姚子羚否認與緋聞男友鄭子邦同居。
曾爆子羚與子邦愛得Sweet的嘉欣說：「佢鬧我叫我唔好亂講，我咪話得囉！下次講番，我當時意思係女仔畀男仔追係好Sweet。」對於有指子羚與子邦同居，嘉欣說：「冇男仔上過我哋屋企。」
