胡杏兒Deep V撐思捷

胡杏兒、王祖藍及阮兆祥昨晚為李思捷主持的節目《今晚睇李》任嘉賓，曾與思捷傳緋聞的杏兒身穿Deep V成為焦點，她揚言專誠來力撐好兄弟，故不擔心男友Philip呷醋。談到其「胡說八道會」姻緣旺盛，會否加入Dry爆成員旺一旺？她笑說：「咁我就要收會費，不過都歡迎新成員，李施嬅（原名：李詩韻）都係啱啱加入，總之啱傾就得，唔一定要姓胡嘅！（加男仔？）咁會怪怪哋喎，但都會考慮！」對於曾合作的監製梅小青及劉家豪有意羅致杏兒拍攝香港電視娛樂劇集，她說：「同無綫仲有合約。（幾時完？）商業秘密。（有其他公司招手？）到時有嘢就會宣布。（同小青姐合作？）將來嘅嘢冇人知，現階段未諗，希望佢同家豪哥可以拍好多好劇！」祖藍則表示稍後將到內地拍古裝劇，自嘲家庭負擔重的他會將酬勞當家用。對於梅小青及劉家豪有意找「溏心」班底拍新劇，與無綫有合約在身的祥仔希望在合約條件許可下接拍該劇。