曾與Alice B.同公司的陳嘉容及同期來港的模特兒朋友伍靜麗均贊成她報警，陳嘉容說：「如果個男人繼續再不停跟佢，我都贊成佢報警！大家都係成年人，既然已分手，就一定係合唔嚟。（有類似經歷？）自己未遇過，但試過有個前度分咗手後不停打電話畀我，一日打幾十次，明知我唔聽，就用冇來電顯示。」

Ana R.（圖）及陳嘉容均贊成Alice報警處理。

陳嘉容

伍靜麗則指為免不必要的事發生，呼籲Alice報警，並指與前度分手後對方仍傳照片騷擾她：「都唔知點算好，又唔可以搵佢叫佢唔好咁做，過分關心反而令佢有遐想，所以都係隔離，畀時間去沖淡。」

而名模Ana R.亦曾被前度男友跟蹤：「好耐之前個Ex嘅行為都好瘋狂，唔單止不停跟蹤我，仲跟我返美國！之後仲意圖攞走我嘅護照，好彩當時細佬喺身邊！佢幾年前喺Facebook搵番我同我講Sorry，所以Alice最好嘅方法就係唔好理會對方，等件事慢慢淡咗，愈理佢佢就愈唔放手！」