除了謙仔與楊怡孖住睇樓買磚頭，不少圈中人對買樓亦各有心得。佘詩曼說：「買樓做投資係比較穩陣同實在，但一定要計好條數，睇吓自己嘅負擔能力，又要睇吓租唔租得出，就算租得出都要注意可能樓市會跌，租金又會跌，如果能夠負擔得起，咁就可以買樓投資喇！」

佘詩曼

而任達華雖然不認為近兩年是買樓時機，自己暫時亦不會入貨，但亦大讚謙仔有「錢途」：「佢咁後生，又有前途，仲拍埋電影《西遊記之孫悟空三打白骨精》，不過我建議佢畀足六至七成首期，咁就算遇到要加息都唔使驚！（對樓市睇法？）如果係自住就可以揀番啲偏遠地區，上水、元朗呢啲基建好，入市門檻都低啲。」