劉偉強導演昨日獲一班圈中好友開派對慶祝其55歲生日，性情中人黃秋生除了送酒，還帶定口琴及隨時高歌，又笑言有意開騷唱粗口歌；而成龍與曾志偉兩位同樣是4月生日的壽星亦有赴會。

秋生在劉偉強生日P的海報前留影。

壽星公劉偉強拖實老婆現身，幾時都咁恩愛。

成龍（左）與志偉來去匆匆，在派對逗留片刻便離開。

導演劉偉強昨日55歲生日，晚上於西貢匡湖居會所舉行派對，場外更有惡搞版海報寫上「劉強X傻強玩轉生日派對，From 54 to 55 生日風雲Ⅱ」。據知派對邀請300名親友，並以自助餐及BBQ形式舉行，不少圈中人如黃秋生、葉童與丈夫、任達華、張達明與女兒、王晶與女兒王子涵、曾國祥與王敏奕及劉香萍等均有到賀，場面熱鬧。

志偉笑成龍攞金條

壽星公劉偉強晚上拖太太恩愛現身，笑到四萬咁口的他表示願望是愈來愈後生及身體健康，問到有否邀請參演《賭城風雲》的周潤發？他說：「你叫佢嚟啦！今日冇咩特別，都係食飯飲酒，太太冇驚喜。（Kiss？）成日都錫。（有冇好深刻嘅禮物？）甄珍送啲花好靚囉！」而同是本月生日的曾志偉及成龍結伴出現，手持禮物的成龍急急入場，留下志偉應對傳媒，問到送甚麼禮物？志偉搞笑說：「大哥帶咗啲金條同鑽石嚟呀！」

送特色金箔紀念酒

黃秋生則透露準備了金箔紀念酒，由於只得一支，甚具珍藏價值，他又表示無懼喝醉：「怕咩？不嬲飲得多。（會唱歌？）開心就唱，我依家係音樂家，隨時有口琴喺身，上次台灣中招，無啦啦畀人捉上台唱歌。（會唔會開騷?）試吓細細哋，不過我唱粗口歌，唔係Rock係Punk，唔好惹我，我係終極魔王。」

至於任達華則手捧一個發泡膠盒出現，他指是從意大利空運到來，問到是否酒類？他故作神秘：「唔話得你知，總之係1970年份啦！呢份嘢年紀大過我，嗰年嘅葡萄唔錯，整紅白酒都得。（不醉無歸？）佢哋醉，我揸車車佢哋走，今日兒童節要陪女，一陣返屋企都要應酬佢。」