前港姐陳凱琳（Grace）昨日偕陳瀅、何雁詩及劉佩玥與數十名Fans聚會，Grace日前被《好報》拍到前後腳到鄭嘉穎於大坑的寓所短聚近兩小時，因而被指撻着，她昨日力撐兩人只是朋友，但言談間不停讚對方。

陳凱琳（右起）、劉佩玥、陳瀅和何雁詩在派對上攬埋一堆，玩到笑晒。

劉佩玥大意撞親頭，兩個好姊妹即刻呵番！

提到嘉穎過往緋聞多多，Grace不覺得他花弗，擺明打高分數：「每個人過去都有啲感情，但唔會影響佢依家，人會變嘛！（有冇機會發展？）做住朋友先！（嘉穎話年齡差距唔影響拍拖！）我都贊成，好多例子證明兩個人差距大少少，但關係都好好。」至於陳瀅大讚他們是靚仔、靚女甚為合襯，若真的拍拖，會送上祝福。