陳小春昨日擔任J2節目《娛樂3兄弟》嘉賓，節目由陸浩明，衞志豪及區永權主持。小春表示復活節會到上海工作，問到有否探望謝天華兒子？他說：「有見，依家得番長頭髮（指鄭伊健）唔啱傾咋！次次問佢就話：『得，有心！』」又笑言叫「阿嫂」們教唆伊健太太蒙嘉慧耍手段令自己懷孕，他又直認為追第二個小朋友而努力：「不過未急，依家個仔學緊講嘢，想佢可以對話嗰時先啦！」

小春搞笑話同未生BB嘅伊健唔啱傾。

陸浩明（左起）、衞志豪和區永權任節目主持，為請嘉賓出盡人情牌。

而陸浩明、衞志豪及區永權表示為節目邀請嘉賓而碌盡人情卡，希望令嘉賓多講自己的想法及感受，而且其中一個環節是講真心話，陸浩明說：「問題係幕後工作人員定，我哋都唔知係咩，要即場問嘉賓睇吓佢哋點答！」