性感女星林芊妤（Coffee）昨日與崔碧珈、李梓言、王宗堯、張建聲及鄭欣宜等宣傳新片，Coffee以低V黑裙示人勁晒胸，又踎低為張建聲磅重，艷光即時蓋過崔碧珈及李梓言，難怪居高臨下的張建聲笑言要與她去佛光街巴士站行吓！

穿高衩低胸裙的Coffee一踎低，即時「峰」光無限！

Coffee烏低身幫張建聲磅重，倒出八字胸！

站在Coffee身旁的李梓言（左）和崔碧珈頓時失晒色。

王宗堯「提醒」張建聲佛光街位置開揚，人哋話去行吓啫！

林芊妤、崔碧珈、李梓言、王宗堯、張建聲及鄭欣宜等昨日到西九龍中心宣傳新片《壹獄壹世界》，Coffee以低V黑裙上陣晒胸，搶盡穿白色吊帶背心的崔碧珈及穿綠色吊帶裙露腿的李梓言鏡，活動上她更「自動波」踎低為張建聲磅重，難怪居高臨下的張建聲笑言要與Coffee去早前爆出色慾男女當街曳曳的佛光街巴士站行吓！

自認創傷後遺症

Coffee曾有「殘廁Gathering」前科，對於被邀約去佛光街，她說：「呢個話題喺我身上敏感咗啲，我Reject佢（張建聲），我要學識Say No！（佢話曾經喺澳洲打野戰？）未必係做乜嘢嘅，可能攬攬錫錫啫！（你當日Gathering呢？）咪攬攬錫錫囉！過咗咁耐啦，我哋Move on（向前看）！我依家連同男人出街都唔夠膽，有創傷後遺症，雖然都有啱嘅追求者出現，但想諗清楚先，暫時感情空白先，我事業心重！」

張建聲澳洲玩「野」

張建聲談到野戰經驗，他說：「實不相瞞，我以前喺澳洲試過，我又唔係咩君子，唔想隱瞞，不過依家唔會，怕教壞細路。（你嗰時飲大咗？）唔係飲大咗，係好有部署，同女友情到濃時，呢啲都係Happy經驗，最緊要唔好影響到人。」記者進一步追問，他卻拒再多講並笑言：「唉！都唔知條標題會點寫！」

王宗堯則溫馨提示張建聲：「我以前公司喺佛光街附近，嗰頭好開揚，我都唔明點解會發生件咁嘅事！」

而崔碧珈及李梓言則表示不覺得Coffee刻意搶鏡，崔碧珈解釋不拋胸有原因：「我啱啱做完智慧齒手術冇幾耐，食咗藥，醫生叫我唔好吹風。」