曾志偉與阮兆祥將於兒童節期間發放歡樂能量，將英國卡通人物「粉紅豬小妹Peppa Pig」帶來香港，與小朋友互動玩遊戲，祥仔稱要帶契女見偶像。

曾志偉與阮兆祥將卡通人物「Peppa Pig」帶來香港，兒童節大派歡樂！

阮兆祥表示會帶契女見偶像，有女萬事足。

形象大細路的曾志偉與阮兆祥，今個兒童節當然有貢獻，兩人有見英國的卡通人物「粉紅豬小妹Peppa Pig」大受兒童歡迎，特別帶來香港，舉行一項名為《Peppa Pig Super Pop超級互動遊樂場》活動，將於本月初開放。

部分收益行善

擔任愛心大使的志偉透露場內有特別設計的親子互動活動，透過科技拉近親子關係，父母可以陪同子女一起體驗及實踐。其中一個矚目互動區是小朋友只要將心目中的Peppa Pig填上顏色，再經過掃描後，這個親手設計的Peppa Pig便會跳進現場40呎長的大型Led屏幕，恍如進入Peppa Pig的世界。遊樂場部分入場費將會捐贈福幼基金會作慈善用途。

拖契女見偶像

身為福幼基金會執行董事的祥仔表示，當然會帶同契女（陳國邦與敏莊的女兒陳禛）到場見偶像：「不過我都係契女嘅偶像，我啲戲佢更鍾意睇！」祥仔與契女爸爸陳國邦的交情源於早年齊齊主持電台節目，當年更已經指腹為「契」：「我一知佢老婆有咗，就第一時間話要契畀我。（你有冇囝囝可以「指腹為婚」？）咁又未有住！唔使啦！我仲有兩個契仔，所以好多仔女，唔急自己生啦！」