亞視不獲續牌令員工軍心渙散，雖然執行董事葉家寶大派定心丸指已備妥三月及四月份薪金，令不少員工抱持觀望態度，昨日亞視未見離職潮。而三月份薪金昨日已透過支票形式發放，惜未能趕及銀行辦公時間前發出，員工無奈只能於長假結束後才能兌現支票。

蔡國威因要做節目，所以沒有返大埔總台拎支票。

亞視藝人蔡國威昨日如常主持六合彩節目，被問到三月薪金問題，他表示收到公司通知，可於六時後領取支票出糧，對此他大表無奈：「今日要做節目，所以都冇打算專程返大埔總台拎支票。（不滿長假前出糧？）都慣啦！不過我都相信佢哋盡晒力，而且喺法定日子七號前出糧！（幾時返亞視取票？）過埋假期先啦！我依家拎咪又係八號先入到票，拎返嚟擺咩，不如擺喺公司啦！（對四、五月薪金有信心？）咁我依家仲幫緊公司做嘢，出糧係好應份嘅事。」