陳豪、麥長青（麥包）兩位無綫藝人昨日出席公開活動時，被問到有關亞視不獲續牌一事，陳豪愕然地說：「坦白講佢同無綫一樣陪我長大，亞視不獲續牌相信係歷史上第一次。可能轉公司名又出現番，香港唔應該得一個台，我以前都有睇亞視，但近年都冇睇。（無綫獨大？）無綫已建立多年嘅巿場佔有率穩定，亞視興衰並非無綫造成，佢哋撤退點都好，對無綫有利無可否認。（點睇發牌畀電盈旗下的香港電視娛樂？）香港一個台唔夠、好嘅係我睇到無綫去到咁強大嘅年代，而作為觀眾可以多個選擇。」

麥包怒插亞視冇劇拍，令藝員冇得撈。

陳豪表示以前有睇亞視。

麥包則說：「香港冇理由得一個台。（無綫有機會獨大？）睇自己有冇料。（無綫有料咪獨大？）百花齊放好啲！（亞視上訴？）算啦！劇都冇得拍，搞到大家都冇得撈，仲生存嚟做乜？唔好累死大家啦！咁多年來令好多草根藝人失望，發個新牌好過啦！」