馬錢慧儀（Winnie）昨日與三名子女出席東華三院就職典禮，支持擔任總理的丈夫馬清揚。提到現在已很少做慈善探訪，她說：「以前做港姐時就多，依家捐錢多。（復活節有咩節目？）會同家人去韓國玩四日，小朋友鍾意K-Pop。（佢有冇追星？）冇追星，鍾意聽歌。我都有睇韓劇，已經16年冇睇劇，要照顧小朋友，依家佢終於大喇！我唔會追星，淨係追劇情，多數睇韓劇同美劇，好少睇港劇，港產片我都冇乜睇，韓劇唔係睇好耐，由《來自星星的你》開始睇，時人人都度講，覺得製作好好。（會唔會睇到唔覺？）我睇o個o的都係o岩o岩做，一星期最多睇兩集。」