張學友及張家輝早前為首度合作電影的《赤道》拍海報，學友笑言兩人經常被指是失散兄弟，但今次未有機會演繹兄弟情，又笑言可演父子：「家輝依家仲扮緊後生仔，我就走向成熟啦！」戲內兩人鬥演技，戲外竟是鬥唱歌，家輝表示他們私下會唱兩句娛樂大眾，並笑學友是個為了唱歌可以不呼吸空氣的人。

學友（右）及家輝為首度合作電影的《赤道》拍海報，被笑指是失散兄弟。

問到下次會否合作唱歌？家輝耍手擰頭說：「學友啲歌好難唱，嗌到阿媽都唔認得，佢成日話我唱唔到佢啲歌。」學友表示可傳授方法給家輝嗌爆咪！家輝即搞笑說：「我啲料都夠用，我又唔使去到張學友啲地位，我唔會追求你嗰啲！」