周慧敏前晚出席莎莎國際控股周年晚宴時透露，將為好友古巨基（基仔）的時裝品牌到上海擔任模特兒行時裝騷：「原本我放假都唔放住，Lorraine（基仔太太）邀請我就即刻應承，會着一套基仔設計嘅衫，佢幫我度身，佢好緊張，要度好多次試好多次造型。（緊唔緊張？）我覺得上到台就會變身，我到時當演戲咁演一個Super Model就會信心爆棚。（要唔要Keep Fit？）我有做運動，Keep住個Shape OK同埋要Carry到件衫，基仔個品牌係好有年輕活力嘅Style，唔同我平時好Lady嘅造型，我想同平時好唔同，我甘心畀佢做Barbie。（佢請咗你飲喜酒未？）未有消息。」

身穿連身長裙的周慧敏高貴典雅。

莎莎集團主席及行政總裁郭少明伉儷（右起）、女兒郭詩慧及女婿陳振邦前晚盛裝出席周年晚宴。