有人說愛情是與時間競賽，要在對的時間遇上對的人，但對余文樂緋聞女友王惠敏（Ase）來說，一切也急不來，曾希望30歲前生兒育女的她現正單身，期待真命天子出現。

自言以事業為重的Ase也憧憬一段美好的愛情。

去年Ase與余文樂到美國同遊，兩人因而傳出緋聞。

Ase笑起來甚有韻味，誓必迷倒不少宅男！

Ase與友人合資在曼谷開設男士髮型屋，更不時親自巡舖！

自言鍾意BB仔的Ase一見到小朋友即刻攬到實！

五官標致的Ase曾為不少產品及雜誌拍攝硬照。

余文樂緋聞女友王惠敏（Ase）是混血兒，父親是新加坡人，媽媽是瑞典人，故Ase外貌標致，深得不少廣告商垂青。Ase鍾情時裝，但更愛收藏手錶，第一隻錶便是由爸爸所送，但從來也沒有男朋友送手錶給她。時間對她來說十分珍貴，她最愛用有限的a時間去做喜歡的事，故她在泰國開設了男士理髮店及沙律吧，榮升老闆娘。

一定會生B

事業得意的她，愛情上卻失意，曾與余文樂傳緋聞的她笑笑口說：「我哋係好朋友，咁講真我同佢都有講電話，唔好話佢係咪我杯茶，佢咁靚仔，係人人杯茶，不過我都係以事業為重先。」雖然Ase未覓得真愛，但她曾計劃過何時結婚：「以前諗過30歲就結婚，依家生活好似唔得，所以都冇再去諗，但我真係好鍾意BB仔，一定會生一個小朋友，男女都冇所謂。」又透露父母沒有催促她結婚，但強調一定要結婚後才會生兒育女。Ase直言婚後也會兼顧事業：「父母教要獨立，唔好靠人，而結婚係一個重要決定，唔係一個快嘅決定，我唔會閃婚，要遇到Right Time同Right Person。」

接受遠距離戀愛

有樣有身材的Ase仍然是單身，主因是她沒有時間：「因為我成日都要周圍飛，好少可以識到人。我接受到Long Distance拍拖。」又自爆擇偶要求是另一半要體諒她的工作，接受她的壞習慣，她說：「我唔係完美，脾氣唔好，好易嬲。」Ase直言十分期待真命天子出現。

後記：

不時擔任模特兒影相的Ase，對於時裝有所要求，拍攝時她亦有給予意見，更不時開心大笑，令在場人士輕鬆開懷，最重要是Ase有迷人的眼神，加上甜美笑容，絕對是「宅男女神」，迷到攝影哥哥影了不少靚相！