日前《好報》報道歌手謝安琪（Kay）拍攝無綫劇集《殭》時因貪靚而頻頻NG，搞到陸永黑面。同劇的鄭嘉穎昨日稱NG很正常，並理解作為歌手的Kay較顧形象，呼籲大家不要給Hard Time對方。

拍劇多年的嘉穎自稱經常NG，更大讚黎耀祥「戲」功勁！

嘉穎大方宴請《天眼》一眾演員食結局飯，氣氛熱鬧！

拍過幾套電影的Kay自言不是初哥。

鄭嘉穎、楊秀惠、羅蘭姐及謝雪心等前晚出席劇集《天眼》的結局飯，嘉穎更大方萬歲請食飯。

提到劇集《殭》最近新聞多多，被指與電影《美麗有罪》及劇集《我和殭屍有個約會》等相似，有份拍攝該劇的嘉穎笑說：「有少少類似就梗有，出嚟內容唔一樣咪得，大家唔需要大驚小怪。」

得一個黎耀祥

對於同劇的Kay拍攝時被指因貪靚狂NG搞到陸永黑面，嘉穎表示沒有見過陸永黑面：「我都成日NG啦！有咩出奇？NG最少就係黎耀祥。」他回想在11、12年前與祥仔拍劇集《飛短留長父子兵》時，對方勁少NG。

問到是否覺得Kay是新人所以沒經驗？嘉穎體諒對方指NG屬正常：「全TVB得一個黎耀祥，NG好正常，唔好大驚小怪。（有指佢因為貪靚而搞到NG？）作為歌手同演員，拍嘅角度有少少不同，歌手比較顧形象，佢唔係全職演員，只係客串。」又希望大家不要給對方Hard Time。

力撐拍攝順利

而Kay出席另一活動時說：「新聞嘅嘢唔太介意，大家以為我係拍劇初哥，其實我拍過幾套電影，拍劇係好順利同相處好好。」

另外，提到李司棋於去年約滿無後無聲無息的退下來，永不言休的羅蘭姐表示驚訝：「好！我同修哥（胡楓）都未退休。」