女星袁嘉敏昨日谷出四吋事業線為中環一間內衣店擔任剪綵嘉賓，期間不慎露胸墊。最近鮮有出席活動的她北上談合作，她表示內地觀眾欣賞《鴨王》後反應不俗，又不怕被人評頭品足：「喺微博回應都正面！」目前正傾談兩部港產片的她將有性感演出：「有咁嘅元素，香港唔係咁多露點戲嘅，唔係我想露就會有人拍三級限制電影，《鴨王》係例外。」亦不擔心拍戲再有是非：「我攝咗太歲o架啦，第一次攝太歲，上年係小人是非年，希望今年重新出發。」 早前被拍得素顏游走街頭的她解釋未有情緒困擾：「係錯覺啫！因為我自己住又冇工人，去洗衫呢啲都好正常，加上屋企兩邊都打樁，我有時六點就起身去跑步！」

谷出四吋事業線的袁嘉敏，性感養眼。

另外，她接受電子媒體訪問時透露有人向她「問價」，她事後接受電話訪問：「其實一直都有，透過短訊或社交平台搵我，有試過出價幾十萬叫我陪佢食飯，不過見到呢啲我唔會覆，免得畀佢纏住！諗深一層人哋對你有興趣，都總好過叫你行開吖！」