亞視前老闆邱德根上周二病逝，享年90歲，其家人昨日在香港殯儀館進行公祭，約百人參與儀式，出席人士包括邱德根次子邱達昌、長女邱詠筠、契女黎燕珊、汪明荃、朱慧珊、馮寶寶、徐小鳳、鄺美雲及英皇老闆楊受成等。

邱德根次子邱達昌拖實汪明荃，並在黎燕珊陪同下會見傳媒。

邱德根的公祭昨日在香港殯儀館舉行。

馮寶寶坐輪椅出現，並憶述與邱德根生前的點滴。

朱慧珊

鄺美雲眼紅紅離開。

徐小鳳神色凝重。

鮑起靜

有腰傷的馮寶寶坐輪椅現身，提到與邱生的回憶時失控落淚：「我好掛住邱生，佢係好勤力嘅人，最後見面係前年，邱生每年生日，我都封利是畀佢，係我福氣。」鄺美雲離開時眼紅紅，徐小鳳亦神色凝重。

邱達昌受訪時稱藉機會為父親平反慳儉傳聞：「ATV年代爸爸出名好慳，其實佢係慳自己，當時屋企唔係好有錢。」問會否做亞視的「白武士」？他說：「日後交代，買唔買我唔置評，但爸爸之前知亞視冇糧出，覺得員工慘，佢有提議不如拎幾百萬去亞視派，我阻止咗佢。」問到邱德根的安葬日子，他說：「遺體暫時放殯儀館，會再擇日喺香港進行土葬。」大殮儀式後，邱氏家屬往北角海逸酒店進行解穢酒。