吳若希（Jinny）前晚因在澳門有工作在身，未能現身參演劇集《衝線》的結局飯，由主角羅仲謙請食飯，溫家偉、蔡思貝與周志文等出席，提到Jinny上載與「遮面男」的親密咀面照，有指該男是溫家偉，阿謙即笑說：「我都要問吓點解大隻仔唔帶女友！等佢自己澄清。（幾時到你高調晒愛？）我咁樣仲唔明顯！畀條生路行吓。（同楊怡嘅結婚路？）留下一套劇開始先再問啦！有啲新鮮感。」而溫家偉被問到是否公開戀情？他開心地說：「冇嘢公開！我哋好Friend、好傾得埋。（通常由朋友開始？）哈哈！有時候都可以由陌生人開始。」提到Jinny留言暗示讓他追求？家偉笑言知情：「我唔係好識中文！可能我哋喺外國返嚟，見面都會錫同擁抱，代表Friendship Love。」

羅仲謙笑溫家偉為何不攜眷出席飯局。